Aalisariaatsit

Aalisariaatsit aalisarnermilu atortut

Polar Seafood-ip aalisagarniarnermini qalerualinniarnerminilu atortut assigiinngitsorpassuit atortarpai. Avatangiisinik eriaginnilluni aaqqiiniutinik ineriartortitsiniarluta piffissarujussuaq aningaasarpassuillu atortarpavut, ilutigitillugulu aalisakkat, immap timmiaasa immamilu miluumasut pissusilersuutaat misissortuarlutigit, taamaaliornikkut avatangiisinik ajoqusiinnginnissaq anguniarlugu.

Raajarniutit aalisakkanik immikkoortiterisinnaasut, innisaasartallit Nordmore-inik taaneqartartut, 2004-mili atorneqartalerput, taamaaliornikkut saarulliit, qalerallit aalisakkallu allat pisarisoornaveersaarniarlugit. Tamakkununnga ilaapput immap naqqani kilisaatit, aalisagaaqqanik pisaqatsaaliorniarluni ilusilikkat. Assersuutigalugu piffissap nipisanniarfissap aammalu sumi qassusersornissap allanngortinnerisigut, immap timmiai pisarisoortakkat ikiliserujussuarneqarput imaluunniit pisarisoorneqassaavipput (timmissat, pingaartumik meqqit, neriniarfigisartarinngisaani qassusersortoqartarpoq; qassuserfiginiagarlu timmiaqarpat tassani qassusertoqassanani).

Kilisaatit allaanerusunik saarlisaartulerlugit misileraanermi takuneqarsinnaavoq immap naqqani uumasunik aalisarnerup sunniinera millisinneqarsimasoq – tamannami avatangiisinik sorsuutiginnittunit ernumassutigineqarnerpaanut ilaavoq.

Piujuartitsinissaq siunertaralugu aalisarnermik ”teknikkikkut iluarsartuussinerit” taamaattut Polar Seafood-ip ataavartumik ingerlattarpai, tassami ingerlatseqatigiiffik akisussaassuseqarpoq piujuartitsillunilu ingerlatsinermi siulliorusulluni. Avatangiisunut akisussaassusilimmik ingerlatsinitsinnik attassiniarnitsinni aqutsisuvut aammalu aalisartut sulisitavut, aalisarnermut atortunik suliaqartartunik uumassusilerituumillu qanimut suleqateqarput, taamaaliornikkut pinngortitap sapinngisamik pitsaanerpaamik illersornissaa anguniarlugu.

 

 

Raajarniutit aalisakkanik immikkoortiterisinnaasut, innisaasartallit Normore-inik taaneqartartut, 2004-mili atorneqartalerput, taamaaliornikkut saarulliit, qalerallit aalisakkallu allat pisarisoornaveersaarniarlugit.

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more