MSC

Piujuartitsinermik tunngaveqarluni aalisarnermut nalunaaqqutsersuutaasartoq

MSC-mik nalunaaqutsersuisarneq

Polar Seafood-ip siulersuisuini siulittaasuusimasup Kjeld Holmstrup-ip Kalaallit Nunaanni Nungusaataanngitsumik Aalisarnissamut peqatigiiffiup pilersinneqarnissaa 2006-imi aallarnerpaa. Taamanikkut “pingaartitsisuinnaat kisimik” suleqatigiiffeerannguarisimasaat, Kalaallit Nunaanni aalisarnermik ingerlatalinnut tamanut siaruarpoq, matumani siunertarineqarluni nungusaataanngitsumik aalisartarnermut uppernarsaammik pissarsinissamik angusaqarnissaq. Pisat nungasaataanngitsumik pisarineqartarnerannut nalunaaqutsiisarnitsinni MSC-p tunngaavissarititai atortarpavut.

Isumalluutinik atuipilunnani aalisakkanik qalerualinnillu pisaqartarnissap qanoq pingaartiginera kalaallit oqartussaasuisa ilisimalluarpaat taamaattumillu ilisimatuussutsikkut misissuisarneq oqartussaasunit pingaartinneqarpoq. Aalisagaqassuseq qaleruaqassuserlu Pinngortitaleriffimmit misissorneqartarpoq, misissuinernilu taakkunani Atlantikup avannaani raajaqassuseq aatsaat taama piffissami sivisutigisumi ataavartumik misissorneqarpoq.

Naak innuttaasut taama ikitsigigaluartut aningaasaqarnikkullu killilimmik isumalluuteqaraluartut, Naalakkersuisut aalajangersimapput aalisarfinni immap naqqanik misissuinerit nanginneqassasut, taamaaliornikkut nakkutiginiarneqarpoq aalisarnermut atortut immap naqqani uumassusilinnik qajannarluinnartunik qanoq ajoqusiisartiginerat.

Aalisakkanik tunisassiortut akiligaannik misissuinerit tamakku 2012-imili ingerlanneqartarlerput, misissuisuullutik Zoological Society of London-imi ilisimatuut ataqqisat. Taamaakkaluartoq naatsorsuutigineqarpoq suliaq tamanna Pinngortitaleriffimmit 2016-mi tiguneqassasoq, tassa immap naqqanik misissuisarnerit Nunatsinni immikkoortortamiit ingerlanneqartalissallutik.

Nungusaataanngitsumik aalisarnissamik qulakkeerinninniarluni suliaq uninnavianngilaq, pissutsinulli naleqqussartuarlugu ingerlaavartumik ineriartortinneqassalluni. Aalisagaqatigiit assigiinngitsut tallimat (Raajat nipisallu Kalaallit Nunaanneersut; saarullit, kuller-it saarulliusaallu Barents-ip Imartaaneersut) nungusaataanngitsumik aalisarneqartartutut nalunaaqutserneqareerput, maannakkut qalerallit taamaalineqassanersut nalilersorneqarpoq, aalisagaqatigiillu sinneri allat sukannersumik ilisimatuussutsikkut nakkutigineqarput, taamaattumik MSC-mik nalunaaqutsersuinissamik angusaqarniarnermi siuttutut inissisimanerput tulluusimaarutigaarput.

 

MSC pillugu paasissutissat:

  • WWF-imit (World Wildlife Fund) aammalu Unilever-imit 1996-imi pilersinneqarpoq.
  • Suliniaqatigiiffik arlaannaannulluunniit pituttorsimanngitsoq iluanaarniutiginalugu ingerlatsisoq, nungusaataanngitsumik aalisarnissamut najoqqutassiornermik sulialik.
  • Naalagaaffiit Peqatigiit ataanni FAO’p (Food and Agriculture Organisation of the United Nations) “akisussaassusilimmik aalisarnissamut” maleruaqqusai matumani tunngavigineqarput.
  • FAO: “Aalisarnissamut pisinnaatitaaffeqarneq akisussaassusilimmik aalisarnissamik pisussaaffiliivoq, taamaaliornikkut imartani isumalluutit piujuartinneqarnissaat qulakkeerniarlugu aqutsinissaq anguniarlugu”.

 

MSC malillugu nalunaaqutsiisarneq pingasunik tunngaveqarpoq:

* Tunngavik 1: Aalisagaatit nungusaataanngitsumik aalisarneqassapput

Aalisarneq aalisagaqatigiit nungunnaveersaarlugit ingerlattariaqarpoq. Aalisagartassiinermi ima aalisagartassiisoqartassaaq qaqugorsuarmut aalisagaqartuaannarnissaa anguniarlugu, isumalluutinillu atuipiluttoqassanani.

 

* Tunngavik 2: Avatingiisinut sunniutai minnerpaaffissamiitinneqassapput
Pinngortitami ataqatigiinnerup pissusaa, aalisakkat amerliartortarnerat, qanoq uumanerminni iliortarnerat, soorlu suffisarnerat, aalisakkat qaleruallillu assigiinngisitaarnerat – tassaapput aalisarnermik ingerlataqarnermi pisariaqarluinnartut.

 

Tunngavik 3: Aqutsilluarneq

  • Najukkami, nunagisami nunanilu tamalaani inatsisit tamarmik aalisarnermi malinneqassapput aammalu aqutsineq qulakkeerneqassalluni, taamaaliornikkut pissutsit allanngorarneri malillugit aammalu nungusaataanngitsumik aalisarnissaq anguniarlugu aaqqissuussisoqarsinnaajuassaaq.
  • Ullumikkut (2015-imi aggustimi) nunarsuaq tamakkerlugu nungusaataanngitsumik aalisarnermut nalunaaqutserneqarsimasut 265-iupput. Allat 108-it nalunaaqutserneqarnissaminnut nalilersorneqarput.
  • Aalisakkat imartani pisaasartut 10%-ii MSC-mik peqarluni aalisagartarineqartarput.
  • Aalisakkanit tunisassiat 28000-init amerlanerusut nunarsuaq tamakkerlugu MSC-mik tungujortumik, avatangiisinik qajassuissilluni aalisarnermut ilisarnaataasumik, nalunaaqutserneqarsimapput.

 

Suliniaqatigiiffik arlaannaannulluunniit pituttorsimanngitsoq iluanaarniutiginalugu ingerlatsisoq, nungusaataanngitsumik aalisarnissamut najoqqutassiornermik sulialik.

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more