Inuussutissat isumannaassusaat, pitsaassuseq

Immamiit puuguttamut aqqut ersittoq

Inuussutissat isumannaatsuunissaat pitsaasuunissaallu Polar Seafood-imi pingaartinneqarluinnarpoq. Tunisassiassatta amerlanersaat nammineerluta pisarisaratsigit, pitsaassusaat aamma nakkutigilluarsinnaavarput, taamaalilluta aalisakkanit qalerualinnillu tunisassiat pitsaalluinnartut neqeroorutigisinnaavavut, aammalu suminngaanneerneri ersersissinnaallutigit. Nioqqutissiassat tunisassiarisartakkavut tamarmik sukumiilluinnartumik misissorneqartarput.

HACCP-mi periuserineqartoq naapertorlugu pitsaassutsimik nakkutiginninneq aqunneqarpoq, taamaalilluni ingerlatseqatigiiffik nammineq sukannersumik nakkutilleeriaaseqarluni. Tunisassiassap qaqinneraniit naammassillugu tunisassiarinerani suna tamarmi nakkutigeqqissaarneqartarpoq.

Polar Seafood-ip tunisassiorfiini eqqiluisaarneq niuernerup iluani piumasaqaatinik sakkortuunik malinnippoq, aammalu danskit oqartussaasuisa nerisassianik nakkutilliinermut maleruaqqusai sukannersut, BRC-p (Tuluit Nunaanni pisinianut nioqquteqartartut ingerlatseqatigiiffiat) uagullu nammineq eqqiluisaarnissamut piumasaqaativut tunngavigalugit nakkutilliisoqarluni. Illuutit ilusilersornerini, tunisassiornermi, atisanut sullisinut tunngasuni, qanoq iliornerni aammalu eqqiaanermi piumasaqaatit sukannersut malillugit eqqiluisaarneq ingerlanneqarpoq.

Aalisakkat qaleruallillu Polar Seafood-ip tunisassiaasa amerlanersaat nammineq kilisaataatinit pisarineqartarput, Kalaallit Nunaanni Danmarkimilu tunisassiorfinni tamani sukumiilluinnartumik nakkutigineqartarlutik.

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more