Tunisassiat pitsaasut anguniarlugit sulineq

Pitsaassutsip aammalu inuussutissat isumannaatsuunerisa, aalisarnerup, tunisassiornerup aammalu aalisakkanik qalerualinnillu tunisassianik apuuffissaannut apuussuinerup tungaatigut Polar Seafood-ip sallersaanissani anguniarpaa. Pitsaassuseq ima paasivarput, pisisartutta naatsorsuutigisaat eqqorlugit imaluunniit naatsorsuutigisaat qaangerlugit iliuuseqarneq, taamaattumillu pitsaassutsimik nakkutilliineq suliffeqarfiutitsinni sulianillu ingerlatsinitsinni pingaartilluinnarparput. Taama pitsaalluinnartigisumik inissimanerput ingerlatiinnarniarlugu iliuutsivut tamakku ukkattuassavavut ineriartortittuassallugillu.

Anguniakkavut qanoq angussavavut:

  • Pitsaassuseq nakkutigalugu ingerlatsinermut piumasaqaatit malinnissaannut kikkut tamarmik akisussaaqataapput.
  • Polar Seafood-ip ingerlataani tamani tunisassiornerup, aammalu tunisassiat sullissinerillu pitsanngorsartuarnissaannut kikkut tamarmik akisussaaqataapput.
  • Pisisartutta piumasaqaataasa pisariaqartitaasalu suussusersinissaannut kikkut tamarmik peqataassapput.
  • Inuussutissat isumannaatsuunissaannut pitsaassuunissaannullu tunngatillugu oqartussaasunik inussiarnersumik oqaloqateqartarnissaq kaammattuutigaarput.
  • Kilisaatini nunamilu tunisassiorfiutivut tamarmik HACCP-mi periuserineqartunik nunani tamalaani atorneqartunik nersorneqartunillu malinnillutik ingerlatsissapput.
  • Tunisassiorfiutivut angisuut tamarmik BRC-p (Tuluit Nunaanni pisinianut nioqquteqartartut ingerlatseqatigiiffiat) aamma/imaluunniit IFS-ip (Tunisassiornermut Aningaasaliisarnermullu Aaqqissuussaq) piumaqaataannik naammassinnissimasutut uppernarsaateqarput. 
  • Nammineq aalisakkanik misissueqqissaarfiuteqarpugut.
  • Kilisaataatitta tunisassiorfiutittallu pitsaasuulluinnarnissaat anguniarlugu ataavartumik aserfallatsaalivavut.
  • Tunisassiatta, taakkununnga poortuutigineqartartut akuutissallu suuneri suminngaanneersuunerilu uppernarsiillugit takuneqarsinnaapput. 

 

 

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more