Aalisakkat

Aalisakkanik nutaatillugit, qeritillugit imaluunniit pujoorlugit tunisassianik Polar Seafood pilersuisunit pingaarnersaavoq. Qalerallit, suluppaakkat saarulliillu tunisassiarisartagarpassuatsinnut ilaapput. Pitsaalluinnartuunissaat qulakkeerniarlugu aalisakkat pisarisartakkatta amerlanersaat nammineq aalisariutaatitsinnik pisarineqartarput aalisariummilu qeritinneqartarlutik.

 

Aalisakkat nutaat

Aalisakkat Barents-ip Imartaani angallateeqqanit ningittagarsorluni qassutinillu pisarineqarput. Aalisakkat Berlevåg-imi tunisassiorfitsinnut tulaanneqartarput erniinnarlu tunisassiarineqartarlutik. Saarulliit, saarulliit ilaat kullerit saaruliusaallu, qalerallit, nipisat, qeeqqat, suluppaakkallu aammalu aalisakkat allat Europamut tunineqartarput.

 

Aalisakkat qerisut

Kilisaatit Issittup Imartaani itisuumi aalisartarput, pisallu nalunaaquttap akunnerisa sisamat arfinillillu iluini kilisaammut usilersuunneqartarput, tunisassiarineqarlutik, immikkoortiterneqarlutik qeritinneqarlutillu. Taamaaliornikkut aalisakkat Polar Seafood-imeersut nutaajutittuaannarnissaat aammalu pitsaassuulluinnarnissaat qulakkeerneqartarpoq. Aalisakkat ilivitsuutillugit, niaquiarlugit paperuiarlugillu aammalu nerpiliaralugit tunisassiarisarpavut.

 

Tunisassiat pujuukkat


Tunisassiarpassuavut pujuukkat uagut nammineq pujoorivitsinni nammineq tarajoriarlugit pujoorneqartarput taamaaliornikkut pitsaalluinnarnissaat manngaartuunissaallu qulakkeerneqartarluni. Kapisillit qalerallillu nerpii pujuukkat ilivitsuutillugit aggoreerlugilluunniit niuertarfinni tuneriaannanngorlugit tunisassiarineqartarput. Tunisassiat nutaatillugit tarajorterneqartarput aammalu nillertumik kissartumilluunniit pujoorneqartarlutik. Paasissutissat amerlanerusut Polar Salmon Hjerting Laks A/S-imi takuneqarsinnaapput.

 

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more