Aalisakkat ikerinnarsiortut

Ammassassuit (Clupea harengus)

Atlantikup Avannaata Kitaata ammassassuinik Polar Seafood pilersuisunit pingaarnersaavoq. Qalorsuit ungersortakkat imaluunniit immap ikeratigut kilisaatit avatangiisinik ajoqusiinngitsut atorlugit ammassassuit amerlasoorsuakkaarlugit pisarineqartarput.

Ammassassuaqarfiit

Atlantikup ammassassuaa nunarsuarmi aalisagaqatigiiaat amerlanersaannut ilaapput. Ammassassuaq 45 cm angullugu takissuseqalersinnaavoq, 4 kubikkilometer-imik isorartusssuseqalerlutik eqiterullutik ingerlaartarput, aalisakkat ataatsimut eqiterussimasut 4 milliard-inik amerlassuseqarsinnaallutik. Illeqqat, krill-it aalisagaaqqallu inuussutigaat, taavalu puisinit, arfernit, saarullinnit aalisakkanillu annerusunit nerineqartarlutik. Atlantikup avannaa kangiani naalagaaffiit arlallit ammassassuarniartarput taamaalillutillu ammassassuit amerlassusaat NEAFC-mit (Atlantikup avannaa kangiani aalisarnermut ataatsimiititaliarsuaq) nakkutigineqarpoq aqunneqarlunilu. Ammassassuaqassuseq ukiut tamaasa misissorneqartarpoq, misissuisuusarluni ICES (Immami isumalluunitik atuineq pillugu nunani tamalaani siunnersuisoqatigiit).

Ammassassuaq Atlantikup avannnaani uumasuusoq Atlantikup avannaata kitaani aammalu avannaata kangiani uumasuuvoq. Ammassassuup Atlanto-Scandia-mik taaneqartartup Norge-mut Island-imut Kalaallillu Nunaannut nerisassarsiorluni ingerlaarnermini immap naqqani itisuumi narsaamanersuit aqqusaartarpai.

 

Avaleraasartooq (Scomber scombrus)

Avaleraasartoorniarneq Kalaallit Nunaanni nutaajugaluartoq Polar Seafood peqataalluarpoq. Qalorsuit ungersortakkat imaluunniit immap ikeratigut kilisaatit atorlugit avaleraasartoorpassuit pisarineqartarput. Avaleraasartuut puttaquteqanngillat, taamaattumik aalisakkat eqiterussimasut ataatsimoorlutik ingerlaartut qanorluunniit amerlatigialuarpata itissusersiummit takuneqarsinnaanngillat. Avaleraasartoorniarneq aalisartut ilaasa nalinginnaasumik aalisarnertut isiginagu piniakkamik pinialunnermut assersuuttarpaat. Ikerinnarsorluni aalisaatit avatangiisinik qajassuussilluni aalisaatitut isigineqarput.

Avaleraasartooqarfiit

Avaleraasartuup amia manilluinnartuugami akimmisaarfeqanngingajappoq taamaattumik sukkaqaluni immap ikeratigut ingerlasarpoq, Atlantikup avanaata imartaani uumasuulluni, 200 m inorlugu itissusilimmiittarluni. Avaleraasartuut ataatsimoorlutik amerlaqalutik ingerlaartarput, ataatsimoorlutik ingerlaaqatigiit 9 km angullugu takissuseqarsinnaallutik, ataatsimoorlutik ingerlaaqatigiit silissusaat 4 km-iusarpoq 40 m-itullu itissuseqartarlutik. Avaleraasartuup nerisarpai peqquaaqqat ikerinnarsortut aalisagaaqqallu, taakkununnga ilaallutik ammassassuit, ammassaasat putooruttullu.

Avaleraasartuup neriniarluni imartat isorartoorujussuit ingerlaarfigisarpai, taamaattumillu immikkut aningaasarsiorfittut oqartussaaffiit arlallit aqqusaartorlugit ingerlasarluni. Nunat arlallit Atlantikup avannaani avaleraasartoorniartarput, taamaattumik avaleraasartuut amerlassusaat NEAFC-mit (Atlantikup avannaa kangiani aalisarnermut ataatsimiititaliarsuaq) nakkutigineqarpoq aqunneqarlunilu. Kalaallit Nunaata Islandillu akornanni immap qaava kissakkiartorpoq, Kalaallillu Nunaata “naalagaafittut sinerialittut” akuerineqarnissaanut iluaqutaasinnaalluni, avaleraasartoortassanik tunineqartalernissamut iluaqutaasinnaasumik.

 

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more