Qaleralik

Issittup aalisagai imartanit minguitsuneersut

Polar Seafood Kalaallit Nunaata qaleralianik, aamma qaleralimmik qernertumik taaneqartartumik pilersuisuni pingaarnersaavoq. Qaleralik (Reinhardtius Hippoglossoides) Issittup aalisagaa Atlantikup Avannaata imartaani uumasuvoq. Kalaallit Nunaata Canadallu sineriaani imartani nillertuni itsisuumi uumasuuvoq.

 

Qaleraleqarfiit

Qaleralik Kalaallit Nunaata kitaani sinerissamut tamarmut siaruarsimalluni uumavoq. Qaleralik 200 meterip 2000 meterillu akornanni itissusilimmi uumasuuvoq. Kalaallit Nunaata Kangiani Ittoqqortoormiini uumasuuvoq, Nunap Isua kujaqqullugu taavalu Kalaallit Nunaata avannaata kitaani Qaanaami Qaanaallu avannaani uumasuulluni. Aalisagaq ningittagarsorluni kilisaatersorlunilu pisarineqartarpoq. Polar Seafood qaleralinniartarpoq, tunisassiortarluni pisariinnavillugillu qeritittarlugit, taamaalilluni qalerallip nerpia nutarnilluinnarlunilu manngaartuusarpoq. Kalaallit Nunaanni qaleralinniarneq Kalaallit Nunaata aningaasaqarneranut pingaaruteqarnerpaat tulleraat. Qalerialinniartarneq sinerissami nunamilu tamarmi inuiaqatigiinnut pingaarutilerujussuuvoq. Sinerissamut qanittumi avataasiorlunilu pisat tamarmik sinerissami suliareqqiisarfinnut tulaanneqartarput. Kalaallit Nunaanni aalisakkanik tunisassiortut naalakkersuisullu peqatigiillutik isumalluutit nungutsaaliorneqarnissaat sulissutigaat, kinguaariit tulliuttut Kalaallit Nunaanni siunissami aalisartunngortussat pissaqartinniarlugit.

 

Qanoq sassaalliutigineqarsinnaanerinut najoqqutassatut siunnersuutit assigiinngitsorpassuit

Immap nillernera pissutigallugu aalisakkat arriitsumik alliartortarput, taamattumillu nerpii kinertuullutik mamarluinnartuusarput. Qalerallip Kalaallit Nunaanneersup nerpia qaqortuuvoq tunguarnitsumillu mamassuseqarluni. Aalisakkat taakku saanikitsuupput assigiinngitsorpassuanngorlugillu nerisassiarineqarsinnaallutik.

 

 

 

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more