Saarullik, saarulliillu ilaat kuller saarulliusaarlu

Nerpia qaqortoq kimikitsoq

Saarulliit, kuller-it saarulliusaallu pisarisakkatta amerlanersaat Barents-ip Imartaani pisarineqartarput. Pisat, uumasoqatigiinnut saarullinnut tamarmik ilaasut, pisariinnavillugit umiarsuarmi suliarineqartarput qeritinneqartarlutillu. Taamaaliornikkut nutarnitsuullutillu kinertuunissaat qulakkeerneqarpoq. Saarulliit, kuller-it saaruliusaallu pisarisartakkavut nunarsuaq tamakkerlugu pisisartutsinnut, aalisakkat pitsaanerpaanissaannik piumasalinnut, tunineqartarput. Aalisagaqatigiinnik taakkuninnga Barents-ip Imartaani aalisakkanut MSC-mik nalunaaqutsiisalernissaq maajimi 2015-mi Polar Seafood-ip anguaa. Barents-ip Imartaani saarullinniartarnerup saniatigut aamma Kalaallit Nunaata imartaani saarulliit pisarineqarput.

Polar Seafood´s fishery in the Barents Sea obtained MSC status in May 2015 for these species. 

 

Saarulleqarfiit

Kalaallit Nunaanni saarulliit uumasoqatigiit assigiinngitsut minnerpaamik pingasuupput. Uumasoqatigiit ataatsit Kalaallit Nunaata kitaata kangerluiniittarput, saarulliit allat Kalaallit Nunaata kitaata kangiatalu imartaaniittut, taavalu saarulliit allat sanilivullu Island-imiut ataatsimoorullugit pisarisartakkavut.

Kalaallit tyskillu ukiut tamaasa misissuisarnerisa takutippaat, saarulliit ukiuni kingullerni marlunni marloriaammik amerlisimasut oqimaassusinngorlugulu pingasoriaammik amerlisimallutik. Saarullinniarnerup saniatigut amerlerujussuarnerinut peqqutaasut arlaqarput. Immap kissassusaa tamatumunnga peqqutaasunit pingaarnerpaatut ilimagineqarpoq.

Saarullik immami 5-600 meteritut ititigisumi uumasarpoq. Saarulliit Polar Seafood-ip pisarisartagai Barents-ip Imartaani, Kalaallit Nunaata Imartaani aammalu Kalaallit Nunaata Kitaata avataani pisarineqartarput. Kangerlunni immap naqqani qassutit atorlugit saarullinniartoqartarpoq, taamaaliornikkut aalisakkat mikivallaat immamut utertinneqarsinnaasarmata. Kilisaatersorluni aalisarneq taamaallaat sinerissap avataani akuerisaavoq. Sinerissamut qanittumi qassusersorluni ningittakkersorlunilu saarullinniartoqarnerusarpoq.

 

Qanoq sassaalliutigineqarsinnaanerinut najoqqutassatut siunnersuutit assigiinngitsorpassuit

Aalisakkap taassuma ilisarnaatigaa qaqortumik isseqarluartumillu nerpeqarnini taavalu aamma orsoqarpallaannginnini. Kimikitsumik mamassuseqarpoq assigiinngitsorpassuarnillu periuseqarluni iganeqarsinnaalluni.

 

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more