Suluppaagaq

Suluppaakkap kinertumik nerpeqarnini aappaluttumillu kusanartumik ameqarnini ilisarnaatigaa

Polar Seafood suluppaakkanik pilersuisunit pingaarnersaavoq. Suluppaagaq (Sebastes mentella) imaluunniit (Sebastes marinus) Issittumi aalisagaavoq Atlantikup Avannaata Kangiani aammalu Atlantikup Avannaata Kitaani uumasuulluni. Qalipaatini iserujussuanilu pillugit aalisagaq taanna ilisarnartorujussuuvoq. Pisariinnavillugu qeritittarparput, taamaammat nerpia nutarnillunilu kinertuuvoq. Immap ikeratigut kilisallugu pisarineqartarpoq, taamaalilluni immap naqqa ajoqusernaveersaarneqartarpoq.

 

Suluppaagaqarfiit

Suluppaagaq Atlantikup Avannaata imartarujussuani uumasuuvoq. 50-1.000 meter-itut itissusilimmiittarpoq, ikkattoqarfiit sivingarniniikkajunnerulluni. Suluppaakkat suffisarfii pingaarutillit Norgep Avannaata kimmut sineriaata avataaniipput kiisalu Islandip kujataata kitaani Irmingerip Imartaaniillutik. Suluppaakkat april - majimi Islandip kujammut kitaani Reykjanesip ikkanneqarfiani suffisarput. Suffereeraangata suluppaagaaqqat amerlanersaat immap sarfaanit Kalaallit Nunaata Tunuani Kitaanilu alliartorfissaminnut ingerlanneqartarput.

 

Qanoq sassaalliutigineqarsinnaanerannut najoqqutassatut siunnersuutit assigiinngitsorpassuit

Immap nillernera pissutigalugu suluppaakkat arriitsuaqqamik alliartortarput, taamaatumik nerpii aappaluaarlutik kinertuusarput mamassuseqarluarlutik. Suluppaagaq orsoqarpallanngilaq proteineqarluarlunili. Aalisagaq taanna assigiinngitsuliaralugu nerisassiarineqarsinnaavog, soorlu ameerlugu uunneqarsinnaalluni grill-erneqarsinnaallunilu.

 

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more