Raajat issittup imartaaneersut

Raajat Issittup imartaani sikulimmi pisat isseqarluartut mamartullu

Raajanik issittup imartaaneersunik (Pandalus borealis) pilersuisut Polar Seafood pingaarnerpaat ilagaat. Raajat Polar Seafood-imeersut amerlanersaat kilisaataatinit nutaaliaasunit pisarineqartarput. Tunisassiorfimmit ataatsimit nikisinnagit immikkoortiterneqartarput, uunneqarlutik qeritinneqarlutillu. Pisarineriniit tunisassiarinerinut piffissaq sivikitsoq atorneqartarpoq, taamaalilluni pitsaassuseq qaffasissoq qulakkeerneqartarluni.

Raajat issittup imartaaneersut pisarisartakkavut qalipaqartillugit uullugit ooqqanngitsuutillugillu, uullugit qalipaajarlugit aammalu lage-mut ikillugit tunisassiarisarpavut.

 

Raajaqarfiit

Raajat issittup imartaaneersut tukertitsivinneersuunngillat pinngortitamili imartani 150 - 500 meter-itut ititigisumi pisarineqartarlutik. Raajat immami nilleqisumi arriitsumik alliartortarput, taamaattumik nerpii kinerlutillu mamassuseripput; tassa pinngortitap mamartuliai.

 

Ilisimaviuk…

Raaja issittup imartaani uumasoq (Pandalus borealis) suiaassutsimigut nikittartoq, tassa uumanerani suiaassusaa allanngortarami. Tukeraangami angutiviaasarpoq, tamatumalu kingorna arnavianngortarluni uumanermilu sinnera arnaviaasarluni. Immap kissassusaa apeqqutaalluni ukiut marlunniit tallimat tikillugit qaangiukkaangata suiaassusaa allanngortarpoq. Raajap qalipaa raajap uumanerani 25-30-riarluni taarsertarpoq.

Raajarniarneq Kalaallit Nunaata aningaasaqarneranut iluaqutit annersaraat, taamaammallu raajarniarnerup nungusaataanngitsumik ingerlanneqarnissaa ilungersorluni anguniarneqarpoq. Suliffissuit tunisassiorfiit naalakkersuisullu suliffeqarfiutai anguniakkamut tamatumunnga suleqataapput. Kalaallit Nunaata kitaani raajartat 2013-imi februaarimi MSC-mik nalunaaqutserneqartalernissaat anguneqarpoq.

 

 

 

Raajat issittup imartaaneersut

Raajat issittup imartaaneersut pisarisartakkavut qalipaqartillugit uullugit ooqqanngitsuutillugillu, uullugit qalipaajarlugit aammalu lagemut ikillugit tunisassiarisarpavut.

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more