Saattuaq

Polar Seafoodip tulluusimaarutigaa saattussanik tunisassiat uutat qerititallu mamarluinnartut neqeroorutigisinnaagamigit

Saattuaq (Chionoecetes opilio) piumaneqariartuinnarpoq, minnerunngitsumik orsoqarpallaannginnera kaloriaqarpallaannginneralu kiisalu proteineqarluarnera pissutaallutik. Taassuma nerpia saattuamut aappaluttumut, saattuamit anginerusumut, eqqaanartorujussuuvoq, tassami kinertuulluni qaqqorissumik qalipaateqarami mamarluinnarlunilu.

Polar Seafood Kalaallit Nunaanni Norgemilu saattussanik tunisassiortarpoq. Sattussat Kalaallit Nunaanni pisat angallatinik mikisunik pullasersorluni periusitoqaq atorlugu pisarineqartarput. Pisat Nuummi saattuanik tunisassiorfitsinni suliareqqinneqartarput. Norgemi pisat umiarsuarni tunisassiorfinni aalisariutini Barents-ip Imartaaniittuni tunisassiarineqartarput.

Saattuat pisarisartakkavut lage-mut kinittarpavut, angissusaallu aallaavigalugit immikkoortitertarlugit.

Kalaallit Nunaanni Norgemilu saattussat oqimaassusaat nalinginnaanerpaaq 142-227 gram-iusarpoq, naak 397 gram-imik oqimaassusillit ilaani Norgemi naammattuugassaasaraluartut.

 

Saattuaqarfik

Kalaallit Nunaata kitaata imartaaniit Amerikami kangerliumanersuarmut Gulf of Mainemut saattuaqarpoq. Immami 20-300 meterimut ititigisumi uumasuuvoq. Imartaq tamanna aamma raajaqarfiuvoq, taamaattumillu aalisaatit imminnut ilagutsinnaveersaartinnissaat unammillernartuulluni.

 

Qanoq sassaalliutigineqarsinnaanerinut najoqqutassatut siunnersuutit assigiinngitsorpassuit

Saattuaq uutaq assigiinngitsorpassuanngorlugu nerisassiarineqarsinnaavoq. Suliarerujussuanngikkaluarlugit nerineqartarput, immaqa citron-imik kuserialaarlugit, mayonnaiselilaarlugillu, aammali salatinut, suppinut nerisassanullu allanut akugissallugit tulluartorujussuullutik.

 

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more