Saattuaq aappaluttoq

Saattuanit aappaluttunit tunisassiat Barents-ip Imartaani nillertumi minguitsumilu pisat Polar Seafood-ip neqeroorutigisinnaagamigit tulluusimaarutigai

Saattuaq aappaluttoq (Paralithodes camtschatica) uumasoqatigiit saattuat anginersaasa ilagaat, nerpiatalu tunguarnitsuunera aqimaartuuneralu pissutaallutik tusaamaneqarluarluni.

Sattuat aappaluttut piffinni nammineq aalisariutaatinik pisarineqartarput, pullasersorlunilu periusitoqaq atorlugu pisarineqartarlutik. Saattuaq uumatillugu suliareqqitassanngorlugu Berlevaag-imi tunisassiorfiutitsinnukaanneqartarpoq, tunisassiorfik taanna Barents-ip imartaata qanitaani umiarsualivimmut ungasinngitsumiippoq.

Saattuat napineqartarput, sukuluiarneqarlutik angissusaallu aallaavigalugit immikkoortiterneqartarlutik. Taamaalioreernerup kingorna immikkoortitaarlugit nitrogen-imi nalunaaquttap akunnerani ataatsimi qeritinneqartarput, aatseqqinnerini nerisassatut atugassaq pitsaanerutinniarlugu. Taama periuseqarnikkut nerpiata ilusaa mamaassusaalu allanngortanngillat, nerpia allasunnittarani imaluunniit nitrogen-isunnittarani, nitrogen tassaavoq gas-i pinngortitami pioreersoq.

Qaammatit novembarimiit aggusti tikillugu aappaluttunik saattuarniarfiunerpaasarput, naak ukioq kaajallallugu saattuanik aappaluttunik tunisassiornissamut periarfissaqaraluartoq.

 

Saattuaqarfiit

Saattuaq aappaluttoq Barents-ip Imartaani 400-500 meter-itut ititigisumi uumasuuvoq. Suulluunniit immap naqqani uumasut naasullu nerisarpai. Saattuat aappaluttut 8 kg angullugu oqimaassuseqalersinnaapput qaleruaalu 23 cm-mik silissuseqalersinnaalluni.

 

Qanoq sassaalliutigineqarsinnaanerinut najoqqutassatut siunnersuutit assigiinngitsorpassuit

Saattuaq aappaluttoq ooqanngitsoq aappaluttoq taartumik qalipaateqartarpoq, uunneqaraangamili sungaartumik aappaluaartumik illinnaqisumik qalipaatinittarluni. Saattuaq aappaluttoq nunarsuarmi tamarmi inunnit mamarineqarluarpoq, pisariitsumilu sassaalliutigineqarsinnaalluni, nerpia tunguarnitsuuvoq suliarerujussuarlugu akoortariaqarani.  Aamma nerpia salatinut suppinut nerisassanullu allanut akugineqartarpoq.

 

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more