Aalisariutaatit

Tunisassiarisartakkatta amerlanersaat nammineq umiarsuaatitsinnik pissarsiarisarpavut. Kalaallit Nunaata imartaani nunarsuullu ilaani imartani allani aalisariutit tamarmik aalisakkanik pisaqarnissaannut akuersissutit Polar Seafood-imut tunniunneqarsimasut atorlugit aalisartoqartarpoq.

Kilisaatit tunisassiorfittallit

Kilisaatit tunisassiorfiutigisut angisuujupput inunnit 35-it angullugit amerlassusilinnit ingerlanneqartut, taakkulu aalisagaq pisarineraniit “nereriaannanngorlugu” tunisassiarisarpaat. Aalisakkat qaleruallillu kilisaatini tunisassiarineqartartut eqqiluisaarniarluni tunisassiallu pitsaassuutinniarlugit imminut nakkutigineq pillugu oqartussaasut piumasaqaataat sukannersut malinneqarput. Tunisassiat tamarmik qeritinneqartarput, umiarsulivimmullu tulaanneqarnissamik tungaanut umiarsuarmi uninngasuutigineqartarlutik.

Polar Seafood-ip kilisaataatai nunarsuaq tamakkerlugu aalisarnermi atugassanngorlugit sanaajupput atortulersugaallutillu, pisarisartagaat pingaarnerit tassaapput raajat issittup imartaaneersut, saarulliit, saarulliusaat, kuller-it, qalerallit suluppaakkallu.

 

Aalisariutit aalisakkat nutaajutillugit tulaassuisartut

Aalisakkap pisarineraniit umiarsuup tulannissaata tungaanut, aalisakkat pitsaassusaat qulakkeerniarlugu sikulersorneqartarput, tulaanneqaraangamik Polar Seafood-ip nunami tunisassiorfiutaanukaanneqartarlutik. Pisat tunisassiorfimmut apuukkaangata aalisakkanik misissuisartut pisat misissoqqittarpaat, taamaaliornikkut aalisakkat tunisassiarineqannginnerminni suli nutaajunersut misissorneqartarpoq.

 Aalisariutit aalisakkat nutaajutillugit tulaassuisartut saarulliit, suluppaakkat, raajat issittup imartaaneersut saattuallu aalisarnerusarpaat.

Aalisakkat qaleruallillu Polar Seafood-ip tulaattagai kilisaataatitsinnit nutaaliaalluinnartunit tulaassorneqartarput, taakkulu Issittup Imartaanik mingutsitsinnginnissaq anguniarlugu immikkut sananeqarsimapput.

 

Aalisariutit minnerit ilaat saarullinniarnermi
qaleralinniarnermilu atorneqartartoq

Sila qanorluunniit ikkaluarangat aalisartoqartarpoq

 

Polar Princess

 

Polar Princess 88 meterinik takissuseqarpoq saarullinnik, kuller-inik, saarulliusaanik, qaleralinnik, avaleraasartuunik ammassassuarnillu aalisartussanngorlugu tunisassiortussanngorlugulu sanaajulluni.

 

Polar Seafood – Tunisassiassat immameersut silarsuaat

Polar Seafood, Kalaallit Nunaanni Nuummi qullersaqarfeqartoq, aalisakkanik tunisassiorfiit namminersortut annersaaraat.
Aalisakkanit qalerualinnillu tunisassianik, nungusaataanngitsumik pisanik assigiinngitsorpassuarnik 
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.

Ingerlatseqatigiiffiup quppersagaliaa

1984-imili aalisakkat qaleruallillu

Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaraat aammalu Kalaallit Nunaanni suliffeqarfiit namminersortut annersaralugu.

Uagutsinnut tunngasut

Polar Seafood

Attaveqarfissat

Polar Seafood Greenland A/S
Imaneq 24
Postboks 1616
3900 Nuuk
Tel: +299 32 44 11
Email: polar@polarseafood.gl
Imaluunniit najukkanni allaffik uani nassaariuk

Cookie-politik: Cookie-nik atuinermut politikki: Nittartakkatta tassanilu quppernerit ataasiakkaat pitsaasumik pissarsiaqarfigineqarnissaat aammalu nittartakkamik atuinermik malittarinninnissarput siunertaralugu cookies atorpavut. Ingerlaqqikkuit cookiesinik atuinerput akuerissavat Read more