Tunisassiassatta amerlanersaat Polar Seafood-ip nammineq umiarsuaataanniit pisarineqartarput. Aalisakkanik qalerualinnillu pisiffigisartakkavut peqqissaarluinnartumik toqqartarpavut, toqqaanitsinni nutaajunissaat, pitsaasuunissaat, nungusaataanngitsumik pisarineqarsimanissaat suminngaanneernerisalu takujuminartuunissaat piumasaqaatigisarparput. Tunisassiatta pitsaassusaat qulakkeerniarlugu atortut nutaaliaasut pitsaasullu atorlugit misissuisoqartarpoq, taamaaliornikkut pitsaassutsimut piumasaqaatit sukannersut malinneqarniassammata.
Tunisassiatta atuisumut ingerlaarnerminni akunniffigisartagai tamarmik sukannersumik nakkutigineqarput, taamaaliornikkut inuussutissat annerpaamik isumannaatsuunissaat qulakkeerniarlugu. Tassami taamaaliornitsigut aatsaat qulakkeersinnaavarput Polar Seafood-ip tunisassiaasa tamarmik pitsaalluinnartuunissaat.
Polar Seafood, Nuummi qullersaqarfeqartoq, Kalaallit Nunaanni aalisakkanik tunisassiorfiit namminersortut annersaraat.
Aalisakkanik qalerualinnillu tunisassianik, nungusaataanngitsumik pisanik assigiinngitsorpassuarnik
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.
Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaasa ilagaat aammalu Kalaallit Nunaanni suliffeqarfiit namminersortut annersaralugu.
Uagutsinnut tunngasut
