Arktisk imartumi pinngorpoq. Nunarsuarmi tamani nuannaarneqartoq.

Ukiut 40-it sinnerlugit, Polar Seafood Nunatsinniit nerisassanik tunisassiortartunut, amerlasuunngorlugit tunisisartunut, annikitsukkuutaanik pisinianut, nioqquteqartunut aamma nunarsuarmioqatigiinni tamani nerisassanik sullissinermik suliffeqarfiusunut aalisakkanik qalerualinnillu tatigisassanik qaffasinnerpaamillu pitsaassusilinnik tunioraasimavoq.

Nunatsinni aalisakkanik suliffissuarni anginerpaatut privatitut pigineqartuni, namminerisamik kilisaataativut namminerlu tunisassiorfivut ingerlappavut, tamannalu pissutigalugu qulakkeerneqarpoq aalajaatsumik pilersuisoqarmat, tamakkiisumik uppernarsaasoqarmat, aammalu sivisunerpaamik peqateqarluni piginneqatigiittoqarsimalluni.

Atuaqqikkusukkuit una tooruk

Aalisakkat qaleruallillu immamiit puuguttamut  

Nioqqutissiaativut

Nioqqutissiassatut pisarineraniit nioqqutissiatut ineriikkatut Polar Seafood-ip suulluunniit naleqartitatut malittariiaat alloriarnikkuutaartumik malinnaavigeqqissaarlugit nakkutigivai nammineq kilisaataativut aqqutigalugit, tunisassiornikkut atortorissaarutivut aqqutigalugit, qerititsiveqarnikkut annertussuseq aamma nassiussuineq. Tamanna qulakkeerpaa pitsaassuseq assigiiaartoq, tunisassiap suatungaaneersuunera aamma pisisartutsinnut tatiginartumik pilersuineq.

Polar Seafood imartani isittuneersunik arlalippassuarnik pisaqartarpoq, tamatumani ilaallutik qalerallit, issittut raajartaat, saattussat, aalisakkat artit assigiinngitsut ikerinnarmiittut saarulliillu.

Immap pisuussutai ataqqillugit aalisarnermik periutsit akuerisaasut atorpavut ilisimatusarnikkullu pisassarititassatut innersuunneqartut malitaralugit. Naleqquttoqartillugu, aalisarnerput MSC-mit akuerisaavoq, taamaalilluta aalisakkat peqqissut ungasinnerusumullu isigaluni issittuni aalisakkat pissuseqatigiit tikikkuminartuarnissaat qulakkeerumaneqarluni. 

Atuaqqikkusukkuit una tooruk

Pitsaassuseq piumasaqaatillu

Inuussutissanik isumannaallisaaneq pitsaassusaallu

Inuussutissanik isumannaallisaaneq, uppernarsaaneq aamma inuussutissat pitsaassusaat Polar Seafoodip pingaarnersiuinermi salliutinneqarnerpaapput. Suliassatta pingaarnersaat tassaavoq qulakkiissallugu, nioqqutissavut qaffasinnerpaamik pitsaassusiliinitsinnut naapertuunnissaat pitsaassuseq aamma inuussutissanik isumannaallisaaneq eqqarsaatigalugu. Pitsaassutsimik aqutsiniarnitsinni aaqqissuisimanerput HACCP-tunngaviit naapertorlugit sanaajupput, tamatumuuna aamma uagut nammineq sakkortuumik piumasaqarnitsinni nakkutiginninnermi aaqqissuussisimanerput ilaavoq. Tamakkua tamaasa ataatsimut eqqarsaatigalugit nioqqutissiornitsinni qaffassinnerpaamik pitsaassusiliinissarput qulakkeerneqarpoq.

Atuaqqikkusukkuit una tooruk

Ullutsinnut naleqquttumik aalisarneq kalaallit ileqqutoqaat atorluarlugit  

Angusaqarluarusussuseq atorluarlugu pinngortitatigut kalaallit Inuiaat ileqqutoqaat piuaannartitsinikkut aalisarnermi tunisassiornikkut ullumikkut mutiunerpaamik ingerlasumut ingerlateqqinniarparput. Ullumikkummi akisussaaffitta ilarujussua tassaavoq aalisarnerup siunissami kinguaariinnut ingerlateqqinnissaa qulakkeerniassallugu najukkami inuiaqatigiinnut kivitseqataanissarput. Uagut isumaqarpugut, piuaannartitsinikkut ineriartortitsineq piviusunngorsinnaasoq akisussaaqatigiinnikkut, aamma uagut akisussaaffimmi tamatumani tiguseqataavugut. Naalagaaffiit Peqatigiit anguniagaat 4, 12 aamma 14 toqqaannartumik suliaralugit nunarsuarmi tigussaasumik allannguinissarput angusaqarluarusussuseqarluta suliniutigaarput.

Piuaannartitsinikkut ineriartornikkut anguniakkat (SDG-it)

Ukiuni 40-ni sinnerlugit Seafood ingerlasimavoq 

Polar Seafood pillugu

Polar Seafoodip qullersaqarfia Nuummi inissisimavoq, Kalaallit Nunaanni, aalisarnikkullu ingerlatseqatigiiffinni privatimik pigineqartuni anginersaajulluni. Polar Seafood pingaaruteqarluinnartumik aalisakkanik qalerualinnillu pisiortorfiuvoq, nioqqutissiaatai suliffeqarfinnut tunisassiorfiusunut, amerlasuunngorlugit tunisisartunut, nerisassiornermik sullissisunut aamma nioqqutissianik ataasiakkaanik pisisartunut.

Uagut pilluta atuaqqikkusukkuit una tooruk