Inuussutissalerinermi isumannaallisaaneq pitsaassuserlu eqqartortillugit malitassanik aalajangeqqissaartunik arlalinnik peqarpoq, tamarmillu siunertaqarput qulakkeerumallugu, Polar Seafoodip nioqqutissaatai qaffasinnerpaamik pitsaassuseqassasut napparsimalissutaasinnaasunillu bakteriaqassanatik imaluunniit ulorinarsinnaasunik akoqassanatik. 

HACCP malittarisassatsinnut  tunngaviliivoq  

Ingerlatseriaatsivut assigiinngitsunik ingerlariaaseqarlutik aaqqissugaapput, kilisaataatitsinni inuussutissanik passussinermiit illuutitsinnut nillataartitsiviusunut. Immitsinnut nakkutiginninnissamut aaqqissuussilluta atortuvut aamma pitsaassutsimut ilitsersuutinut tamarmik HACCP aqqutigalugu tunngaviusut  malippaat, taamaalilluta aaqqissukkamik ilisarisinnaavagut, nalilersorlugit nukittorsarlugillu arlaatigut inuussutissalerinikkut isumannaallisaanermut sunniuteqartut. Tamanna aqqutigalugu, aamma qulakkeersinnaavarput, inatsisitigut suulluunniit piumasaqaataasut nammineq nakkutiginninnitsinnut ilanngussorneqarsinnaasut ulluinnarnilu malitaralugit. Tamakkua saniatigut pisortanut qanimut oqaloqatiginnittarpugut inuussutissalerinermi isumannaallisaanerput aamma avammut nioqqutissiat pillugit. Tassani ilaapput kilisaataatisinni, tunisassiorfitsinni, illuni nillataartitsivinni aamma Vodskovimi allaffitsinni pisortat nakkutiginninnerat. 

Ingerlaatsit ingerlaavartut piviusumik tunngavillit  

Inuussutissalerinermi isumannaallisaaneq aamma pitsaassusermut tunngasut tassaapput suulluunniit ingerlanneqartut qerititsivinni nillataartitsivinnilu kiassusermik uuttortaanerit, atortunik aserfallatsaaliinerit, eqqagassanik passussineq ingerlanneqartillugu asaaneq eqqiluisaarnerlu tassunga tunngasoq. Tamakku tamarmik ingerlaavartumik nakkutiginnilluni uppernarsarneqaannavipput, aamma nakkutiginnilluni uuttortaallattaarnerit suliffiup iluanut avataanullu laboratorianut nassiussorneqartarput bakterianik napparsimalissutaasinnaasunik akuutissanillu ulorianarsinnaasunik misissuiffigalugit. 

Kilisaatit ataasiakkaarlugit najukkamilu sumiiffiit pitsaassutsimik ilitsersuummik malitaqarput, tamannalu tassungaqqissaaq suliaqarfimmut atortunullu tassaniittunut naleqqussagaalluinnarluni sanaajuvoq, taamaalilluni periarfissaqalermat qanoq iliuuseqarnissamik ilanngullugulu suliffeqarfiup iluani piumasaqaataasut aamma Inuussutissalerinermik Aqutsivimmiit (Fødevarestyrelsen) piumasaqaataasut malinniassallugit.  

Ilanngullugu kilisaatini sulisugut ingerlaavartumik oqaloqatiginninnikkut attavigineqartuaannarput, taamatuttaaq tunisassiorfitsinni illunilu nillataartitsivinni, tamatumani anguniarlugu pitsanngorsaatissanik inerniliillunilu aaqqissugassat ulluinnarni sulinermik unamminartunillu tunngaveqaqqullugit. Tamanna qulakkeerpaa, pitsaassuseq inuussutissalerinermilu isumannaallisaaneq ingerlaavartumik pitsanngorsarneqartuarsinnaasut. 

Nioqqutissamik pitsaassutsimik nakkutiginninneq  

Uagutsinnut pingaaruteqarpoq, anguniakkatsinnut nioqqutissaativut uagut nammineq naleqassusitsinnut, qaffasinnerpaamik pitsaassusiliinermik sunalu tamaat akimut ersinnissaa eqqarsaatigalugu uagut suliffeqarfittut takutinneqassasugut, aamma tamanna pissutigalugu eqimattani suleqatigiillutik tuniniaasartuvut namminerisamik pitsaassutsimik nakkutiginnittuupput, namminerlu ingerlariaasitta ilagiinnarlugu. 

Suleqatigiillutik tuniniaasartuvut sapaatip akunneranut arlaleriarlutik Polar Seafoodip aalisagaatai qalerualiutaallu taamungaannaq misissugassaminnik tigusisarput nioqqutissap isikkua, oqimaassusaa allatigullu misissugassat qulakkeerlugit, takuniartarpaat ilumut pitsaassusiliisarnerput malitarineqarnersoq. Taamaaliornitsinni aamma qulakkeerneqarpoq tuniniaasartuvut, kilisaataativut tunisassiorfivullu akornanni oqaloqatiginnittoqartoq, taamaalilluni naleqassutsimut malittariiaat suleqatigiilluinnarlutik pitsaassutsimut qaffasinerpaamik anguniagassap tungaanut suliaqarlutik.