Inuussutissalerinermi isumannaallisaaneq aamma pitsaassuseq aalajangiissuulluinnarput, suleriaasitsinnut aamma nioqqutissavut qanoq suliarinerlugit. Laboratoriarput nioqqutissatsinni tunisassiarisakkatsinnut ingerlaavartumik pitsaassutsimik isumannaallisaanermillu nakkutiginnippoq, nakkutiginninnermilu aaqqissukkamik atortorisaat misissueriaasiilu qulakkeerinnipput, suulluunniit nioqqutissiavut pitsaassutsimikkut- aamma tappiorannartunik misissuinikkut qaffasinnerpaamik malittarisat atorlugit ingerlanneqarput.
Laboratoriami tunngaviatigut piviusumik misissuinermi ajunngitsumik malitassat ingerlappaa akuttunngitsumillu aamma peqataaffigisarlugu laboratoriat akuerisaasut allat sanilliullugit uuttortaanikkut assiginerlugit misissuisoqartarluni.
Suliffeqarfitta iluani aaqqissuisimavugut qulakkeerumallugu nioqqutissap tulaassorneraniit ineriikkatut tunineqarnissaata tungaanut t suatungaani arlaatigut ajortoqarsimappat tamakkiisumik ujartariaannaallugu. Pitsaassuserput qaffaseqisoq ikorfartorniarlugu tunisassiorfipput BRC-mit akuerisaavoq aamma HACCP-ikkut aaqqissukkamik akuerisaalluni.
Pitsaassutsikkut akuersissutit ukununnga Polar Raajat Nuuk, Polar Raajat Aasiaat, Polar Seafood Esbjerg aamma Polar Salmon Hjerting Laks ataatungaani nassaarisinnaavatit.
Polar Seafoodip qullersaqarfia Nuummi inissisimavoq, Kalaallit Nunaanni, aalisarnikkullu ingerlatseqatigiiffinni privatimik pigineqartuni anginersaajulluni. Polar Seafood pingaaruteqarluinnartumik aalisakkanik qalerualinnillu pisiortorfiuvoq, nioqqutissiaatai suliffeqarfinnut tunisassiorfiusunut, amerlasuunngorlugit tunisisartunut, nerisassiornermik sullissisunut aamma nioqqutissianik ataasiakkaanik pisisartunut.