Polar Seafood noqqaajuarpoq pitsaassutsimik inuussutissalerinermilu isumannaallisaanikkut aalisarnikkut, tunisassiornikkut aamma aalisakkanik qalerualinnillu tuniniaanermi sallersaaniarlutik. Uagutsinnut, pitsaassuseq isumaqarpoq pisisartuvut takorluugaat naammassissallugit imaluunniit qaangissallugilluunniit, taamaalilluta pitsaassutsimik aqutsinerput niuernikkut- suliaqarnitsinnilu sutigut tamatigut pingaaruteqarluinnaqqissaarpoq. Pitsaassutsimik qaffasinnerpaamik anguniagarput tigummiinnarusullugu ingerlaqqippugut pitsaassutsimut tunngasutigut ukkatarinninneq inerisaaqqinnerlu qitiutittuarlugit. 

Anguniakkavut tikinniarlugit: 

• Tamarmik akisussaaqataapput pitsaassutsimik aqutsiniarnitsinni piumasaqaativut angunissaannut. 

• Tamarmik akisussaaqataapput Polar Seafood Groups ingerlaasii, nioqqutissaatai aamma sullissiniarnerat pitsanngorsassallugit. 

• Tamarmik peqataaffigissavaat pisisartuvut piumasaqaataat atorfissaqartitaallu ilisariniassallugit. 

• Inuussutissalerinermi isumannaallisaanermut pitsaassutsimullu pisortallu ajunngitsumik oqaloqatiginnittoqarnissaannut kajumissaarivugut. 

• Kilisaativut tunisassiorfittallit aamma aalisakkerivigut sumiiffinni tamani nunarsuarmioqatigiinni piumasaqaataasut HACCP-mi tunngaviit atorpaat. 

• Tunisassiorfivut anginerit tamarmik BRC-kkut aamma/imaluunniit IFS-ikkut akuerisaapput. 

• Suliffeqarfissuatta iluani nammineq pigisatsinnik laboratoriaateqarpugut. 

• Kilisaataativut aalisakkerivigullu pitsaassuseq qaffasinnerpaaq atorlugu aserfallatsaalineqarput. 

• Nioqqutissiat ujaruminartuunerat, poortukkat sananeqaataat aamma akuutissat atorneqarsimappata tamarmik tamakkiisumik uppernarsarneqarput.