Ineriartorneq piuaannartitsinikkut tunngaveqartup isuma tassaavoq peqataaffigissallugu nunarsuarmut najukamilu inuiaqatigiinni unamminartunik inernileeqataasinnaanera ingerlatissallugu ajornerulersinnagit. Polar Seafood kissatigaa Inuiaqatigiit tapersersussallugit, ajunngitsumik ineriartortut tamannalu aningaasaqarnikkut inunnillu isumaginninnikkut ingerlanneqassasoq, suliffeqarfiup inunnik isumaginninnikkut akisussaaqataanera sakkortunerpaamik ukkataralugu (CSR).
Suliffeqarfiup inunnik isumaginninnikkut akisussaaqataanermik takutitsinera ukununnga ukkatarinnippoq:
1. Avatangiisit silallu pissusaa
Kalaallit Nunaanni aalisakkanik qalerualinnillu nioqqutissiortuni sallersaalluta pisussaaffigaarput silap pissusaa aamma avatangiisit akisussaaffigissallugit. Aalisakkanik tunisassiorniaraanni nukissamik imermillu anertungaatsiartumik atuiffiuvoq, taamaattumik aalajangersimaqqissaarluta pisuussutinik atuinerput ataatsimut isigalugu annikillisarniarparput. Anguniarparput avatangiisitigut tumiliornerput annikillisarniarlugu aamma silap pissusaanut pinngortitamullu ajunngitsumik sunniuteqarsinnaanerput annertusarniarlugu. Tamanna anguniarsinnaavarput sammisani qitiusuni sisamaasuni: Nukissamik imermillu atuinerput annikillisarneratigut, nioqqutissiassanik atuinerput pitsanngorsarlugu aamma eqqaasarnitta passunneqartarnerat pitsanngorsarnerisigut.
2. Inuiaqatigiit
Polar Seafood isumaqarpoq, akisussaaffippalaartumik pissuseqaraanni ungasinnerusoq isigalugu tamatsinnut naleqartitsinerpaajusoq. Inunnik isumaginninnikkut pitsanngorsaanerit inuiaqatigiinnuinnaq iluaqutaanngilaq, kisianni niuernerput aamma nukittorsarpaa. Aningaasatigut tapiissuteqarnikkut najukkami inuiaqatigiinnut kalaallillu inuiaqatigiivinut aamma ilinniartitaanikkut, timersornikkut, kulturip ineriartorneratigut aamma kattuffinnut ajunngitsuliortunut tigussaasumik tapersersuivugut.
3. Aalisakkanik qalerualinnillu piuaannartitsineq
Tamakkiisumik pisassanik TAC-mik piumasaqaataasunut malittarisassanik eqqortitsivugut (Total Allowable Catch) kiisalu nunap iluani nunarsuarmioqatigiinnilu pitsaassutsikkut inuussutissanillu isumannaallisaanermut aamma eqqortitsilluta. Pullavipput taanna aamma periarfissippaatigut MSC-ikkut akuerisaasunik arlalinnik aalisarsinnaalluta. Pisortanut, kattuffinnut pisisartunullu ammasumik periarfissiilluta oqaloqatiginnittuarpugut, ingerlaatsitsinni nioqqutissiornitsinnilu pitsaassutsimut piumasaqaataasunut atuuttunut pitsanngorsaaniarluta.
4. Sulinermik avatangiisit
Sulisorisavut pisuussutini naleqarnerpaajupput. Pingaarnersiuinitsinni naligiissitaaneq, ataqqinninneq aamma isumannaallisaaneq Polar Seafood-mi sulisorisatsinnut tamatsinnut pingaarnerpaajuvoq. Ingerlaavartumik sulissutigiuaannarparput sulinermik avatangiisit pitsanngorsartuarniarlugit suliffeqarfimmi tamarmiusumi aamma suliffeqarfimmik peqataatitsisumik pilerinartumillu pilersitsinitsinni, suleqativut pikkorissut kajumittuartinneqarsinnaapput suliffimminnullu tunniusimajuaannarsinnaallutik.
Polar Seafoodip qullersaqarfia Nuummi inissisimavoq, Kalaallit Nunaanni, aalisarnikkullu ingerlatseqatigiiffinni privatimik pigineqartuni anginersaajulluni. Polar Seafood pingaaruteqarluinnartumik aalisakkanik qalerualinnillu pisiortorfiuvoq, nioqqutissiaatai suliffeqarfinnut tunisassiorfiusunut, amerlasuunngorlugit tunisisartunut, nerisassiornermik sullissisunut aamma nioqqutissianik ataasiakkaanik pisisartunut.