Aalisakkat

Aalisakkanik nutaatillugit, qeritillugit imaluunniit pujoorlugit tunisassianik pilersuisuni Polar Seafoodi siuttut ilagaat. Qalerallit, suluppaakkat saarulliillu tunisassiarisartagarpassuatsinnut ilaapput. Pitsaalluinnartuunissaat qulakkeerniarlugu aalisakkat pisarisartakkatta amerlanersaat nammineq aalisariutaatitsinnik pisarineqartarput aalisariummilu qeritinneqartarlutik.

Aalisakkat nutaat

Aalisakkat Barents-ip Imartaani angallateeqqanit ningittagarsorluni aammalu qassusersorluni pisarineqartarput. Saarulliit, saarulliit ilaat kullerit saarulliusaallu, qalerallit, nipisat, qeeqqat, suluppaakkallu aammalu aalisakkat allat Europamut tuniniarneqartarput.

Aalisakkat qerisut

Issittup Imartaani itisuumi kilisaatit aalisartarput, pisallu nalunaaquttap akunnerisa sisamat arfinillillu iluini kilisaammut usilersuunneqartarput, tunisassiarineqarlutik, immikkoortiterneqarlutik qeritinneqarlutillu. Taamaaliornikkut aalisakkat Polar Seafood-imeersut nutaajutittuaannarnissaat aammalu pitsaasuulluinnarnissaat qulakkeerneqartarpoq. Aalisakkat ilivitsuutillugit, niaquiarlugit paperuiarlugillu aammalu nerpiliaralugit tunisassiarisarpavut.

Tunisassiat pujuukkat

Tunisassiarpassuavut pujuukkat uagut nammineq pujoorivitsinni nammineq tarajorteriarlugit pujoorneqartarput taamaaliornikkut pitsaalluinnarnissaat manngaartuunissaallu qulakkeerneqartarluni. Kapisillit qalerallillu nerpii pujuukkat ilivitsuutillugit aggoreerlugilluunniit niuertarfinni tuneriaannanngorlugit tunisassiarineqartarput. Tunisassiat nutaajutillugit tarajorterneqartarput aammalu nillertumik kissartumilluunniit pujoorneqartarlutik. Paasissutissat amerlanerusut Polar Salmon Hjerting Laks A/S-imi takuneqarsinnaapput.