Ammassassuit avaleraasartuullu (Clupea harengus and Scomber scombrus) tamarmik immap ikerinnaani uumasuupput, Atlantikup Avanarliani nassaarisassaallutik. Aalisakkat amerlasuukkaarlutik ingerlaaqatigiittarput 4 kubikkilometerinik annertussuseqarlutik aalisakkallu 4 milliardit tungaanut amerlassuseqartarlutik. Aalisakkat Polar Seafoodip nammineq kilisaataataanik pisarineqartarput, immikkoortiterneqartarlutik, suliarineqarlutik qeritissorneqartarlutillu akunnerit marluk ingerlanerani. Taamatut ingerlaaseqarluni qulakkeerneqarpoq aalisagaq nioqqutissatut nutaarluinnaanera manngertumillu issorsimassuseqartoq.
Avatangiisinut annikkitsuinnarmik sunniuteqarpoq 
Polar Seafood Atlantikup Kangiatungaani ammassassuarnik pisiortorfittut pingaarutilerujussuuvoq aamma avaleraasartuunik aalisarnermi Kalaallit Nunaanni saqqumilluinnarluni aalisarpoq. Aalisakkat assigiinngitsut immap ikerinnaani amerlasoorujussuanngorlutik snurpenot-inik kilisaatersorlunilu ikerinnakkut kalitsinikkut pisarineqartarput. Periutsit atorneqartut immap naqqanut atuutsinngimmata immap naqqani avatangiisinut annikinnerpaamik akornusersuipput. Saniatigut pisaqarnissaq taamaalilluni ulorianarunnaarpoq. Polar Seafood ilungersuutigalugu tunniusimasorujussuuvoq aalisartilluni avatangiisinik ajoqusiinnginnissaq sapinngisamik annikinnerpaaffissamiitissallugu, tamannalu tunngavigerpiarlugu aalisakkat pineqartunut periuserineqartut naleqqulluinnarput.
Mamassuseq ilisarnarluinnartoq
Avaleraasartuut aamma ammassassuit tamarmik ilisarnarluinnartumik mamassuseqarput naak igariaaseq aamma ilaatigut apeqqutaalaarsinnaasartoq aamma. Ammassassuit nerpii manngernerulaartumik issorsimapput aamma kimikitsumik tungusunninnerulaarput, naak avaleraasartuut orsoqarnerullutik malunnanngingajattumik qaqqortariatut mamaqarnerullutik.
Polar Seafoodip qullersaqarfia Nuummi inissisimavoq, Kalaallit Nunaanni, aalisarnikkullu ingerlatseqatigiiffinni privatimik pigineqartuni anginersaajulluni. Polar Seafood pingaaruteqarluinnartumik aalisakkanik qalerualinnillu pisiortorfiuvoq, nioqqutissiaatai suliffeqarfinnut tunisassiorfiusunut, amerlasuunngorlugit tunisisartunut, nerisassiornermik sullissisunut aamma nioqqutissianik ataasiakkaanik pisisartunut.