Polar Seafood-i Atlantikup Avannaata Kitaata ammassassuinik pilersuisuni pingaarnerni siuttunut ilaavoq. Qalorsuit ungersortakkat imaluunniit immap ikeratigut kilisaatit avatangiisinik ajoqusiinngitsut atorlugit ammassassuit amerlasoorsuakkaarlugit pisarineqartarput.
Atlantikup ammassassuaa nunarsuarmi aalisagaqatigiiaat amerlanersaannut ilaavoq. Ammassassuaq 45 cm angullugu takissuseqalersinnaavoq, 4 kubikkilometer-imik isorartusssuseqalerlutik eqiterullutik ingerlaartarput. Aalisakkat ataatsimut eqiterussimasut 4 milliard-inik amerlassuseqarsinnaasarput. Illeqqat, krill-it aalisagaaqqallu inuussutigaat, taavalu puisinit, arfernit, saarullinnit aalisakkanillu annerusunit ammassassuanngersunit nerineqartarlutik. Atlantikup avannaata kangiani naalagaaffiit arlallit ammassassuarniartarput taamaalillutillu ammassassuit amerlassusaat NEAFC-mit (Atlantikup avannaa kangiani aalisarnermut ataatsimiititaliarsuaq) nakkutigineqarpoq aqunneqarlunilu. Ammassassuaqassuseq ukiut tamaasa ICES-mit (Immami isumalluunitik atuineq pillugu nunani tamalaani siunnersuisoqatigiit) misissorneqartarpoq.
Ammassassuaq Atlantikup avannnaani uumasuusoq Atlantikup avannaata kitaani aammalu avannaata kangiani uumasuuvoq. Ammassassuup Atlanto-Scandia-mik taaneqartartup Norge-mut Island-imut Kalaallillu Nunaannut nerisassarsiorluni ingerlaarnermini immap naqqani itisuumi narsaamanersuit aqqusaartarpai.
Avaleraasartoorniarneq Kalaallit Nunaanni nutaajugaluartoq Polar Seafood-i peqataalluarpoq. Qalorsuit ungersortakkat imaluunniit immap ikeratigut kilisaatit atorlugit avaleraasartoorpassuit pisarineqartarput. Avaleraasartuut puttaquteqanngillat, taamaattumik aalisakkat eqiterussimasut ataatsimoorlutik ingerlaartut qanorluunniit amerlatigialuarpata itissusersiummit takuneqarsinnaanngillat. Avaleraasartoorniarneq aalisartut ilaasa nalinginnaasumik aalisarnertut isiginagu piniakkamik pinialunnermut assersuuttarpaat. Ikerinnarsorluni aalisaatit avatangiisinik qajassuussilluni aalisaatitut isigineqarput.
Avaleraasartuup amia manilluinnartuugami akimmisaarfeqanngingajappoq, taamaattumik sukkaqaluni immap ikeratigut ingerlasarpoq. Avaleraasartooq Atlantikup avannaata imartaani uumasuuvoq, 200 m inorlugu itissusilimmiittarluni. Avaleraasartuut ataatsimoorlutik amerlaqalutik ingerlaartarput, ataatsimoorlutik ingerlaaqatigiit 9 km angullugu takissuseqarsinnaasarlutik. Ataatsimoorlutik ingerlaaqatigiit silissusaat 4 km-iusarpoq 40 m-itullu itissuseqartarlutik. Avaleraasartuup nerisarpai peqquaaqqat ikerinnarsortut aalisagaaqqallu, taakkununnga ilaallutik ammassassuit, ammassaasat putooruttullu.
Avaleraasartuup neriniarluni imartat isorartoorujussuit ingerlaarfigisarpai, taamaattumillu immikkut aningaasarsiorfittut oqartussaaffiit arlallit aqqusaartorlugit ingerlasarluni. Nunat arlallit Atlantikup avannaani avaleraasartoorniartarput, taamaattumik avaleraasartuut amerlassusaat NEAFC-mit (Atlantikup avannaata kangiani aalisarnermut ataatsimiititaliarsuaq) nakkutigineqarpoq aqunneqarlunilu. Kalaallit Nunaata Islandillu akornanni immap qaava kissakkiartorpoq, Kalaallillu Nunaata “naalagaafittut sinerialittut” akuerineqarnissaanut iluaqutaasinnaalluni, avaleraasartoortassanik tunineqartalernissamut iluaqutaasinnaasumik.
Polar Seafood, Nuummi qullersaqarfeqartoq, Kalaallit Nunaanni aalisakkanik tunisassiorfiit namminersortut annersaraat.
Aalisakkanik qalerualinnillu tunisassianik, nungusaataanngitsumik pisanik assigiinngitsorpassuarnik
Scandinaviami suliareqqiisartunut, niuertunut, neriniartarfinnut pisiniarfinnullu Polar Seafood pilersuivoq.
Issittup imartaaneersut raajat, qalerallit, suluppaakkat, saarulliit, avaleraasartuut
il.il. nammineq kilisaataatinit nutaaliaasunit pisarineqartarput.
Kalaallit Nunaanni Danmarkimilu tunisassiorfiutivut BRC-mi
(BRC = Tuluit Nunaanni pisinianut nioqquteqartartut ingerlatseqatigiiffii)
piumasaqaatinik malinnilluarput.
Polar Seafood Greenland A/S 1984-imi pilersinneqarpoq Kalaallit Nunaanni kilisaasersorlutik raajarniartut namminersortut arlallit tuniniaassuttarlugit aammalu tunisivissarsiuuttarlugit. Ullumikkut Polar Seafood Skandinaviami aalisakkanik qalerualinnillu avammut tunisassiortut annersaasa ilagaat aammalu Kalaallit Nunaanni suliffeqarfiit namminersortut annersaralugu.
Uagutsinnut tunngasut
