Kalaallit qaleraliutaat (Reinhardtius hippoglossoides) Kalaallit Nunaata kitaata imartaani itisuumi nillertumilu siammartersimapput pisarineqartarpullu ningittagarsortunik kilisaatiniillu. Pisarineqatsiaannarlutillu pisat erniinnaq suliarineqartarput, qeritissorneqarlutik poortorneqarlutillu Polar Seafoodip kilisaataani nunami tunisassiorfitsinni tulaassorneqanngippata, tassanilu nerpiliarineqarlutillu qeritissorneqartarmata. Qalerallit pisarineqarneraniit tunisassiarineqarnissaannut piffissaq sivikitsuinnaammat qulakkeerneqarpoq nioqqutissaq ataavartumik qaffasissumik pitsaassuseqartoq. 

Kinguaariinnut tullinnguuttunut pisuussutit piuaannartinneqarnissaat  

Qaleralinniarluni aalisarneq tassaavoq Kalaallit Nunaata aningaasaqarniarneranut anginerpaat tulliattut Nunatta karsiannut tapitartuulluartoq, qaleralinnillu nioqquteqarnermi Polar Seafood pisiortorfittut  pingaaruteqarluinnaqqissaarpoq. Nunatta kitaani aalisarneq MSC-mik akuerisaavoq, sineriallu qanittuani aalisagaqassusermik illersuiniarneq annertungaatsiartumik iliuuseqarfigineqarpoq. Kalaallit Nunaanni Aalisakkeriviit aamma naalakkersuisut peqataalluarlutik suliniutigivaat pisuussuseq taanna siunissamut kinguaariit tullinnguuttunut qulakkiissallugu qalerallit piuaannartitsinikkut atatittuassallugit, tassami sinerissap qanittuani inuiaqatigiiusunut nunamullu soorunami aamma sinneranut qaleralinniarneq pingaarutilerujussuuvoq. 

Aalisakkat issittuneersut pisuussutilerujussuupput  

Kalaallit qaleraliutaat ussissumik, qaqortumik nerpeqarpoq tungusunnittumillu mamarluinnarluni. Immap kissassusiata appasinera patsisaalluni qaleralik kigaatsunnguamik allisarpoq, tamannalu pissutigalugu nerpia immikkuuffaarittumik mattusuumik pissuseqarpoq immikkuuffaarissumillu mamassuseqarluni. Aalisagaq saaneqanngingajappoq nerisassatullu alutornartumik suliarinissaa piukkunnarluinnarluni.