Nioqqutissat amerlanerpaat nioqqutitsinni pisiassatut neqeroorutaasut eqqarsaatigissagaanni Polar Seafoodip nammineq angallataannit aalisarneqartarput.
Aalisakkanik qaleralualinnillu pisiortuigaangatta eqimattanik misissueqqissaarluta pisortorfitsinni toqqaasarpugut, nioqqutissap nutaajussusia, pitsaassusaa, piuaannartoqarnissaa aamma ammasumik ujartuiffigiuminarnissaa aalajangiinermi tunngavigisarparput, pingaartillugillu. Pitsaassutsimik nakkutiginnilluni immikkoortortaqarfipput periuseqarpoq siuarsagaasunik, qulakkeerniarlugu nioqqutissap qaffasinnerpaamik pitsaassusilerneqarnissaa. Pilersuinermi nassiussuinerup aqqutigisartakkagut nakkutigeqqissaarpavut qulakkeerniarlugu inuussutissatigut isumannaallisaaneq qaffasinnerpaamiitittuassallugu. Aatsaat taamatut iliuuseqarnitsigut qulakkeerluarsinnaagatsigu Polar Seafoodip nioqqutissaativut qaffasinnerpaamik tunngaviusumik piumasaqaatai naapertorlugit suliarineqartassasut.
Polar Seafoodip qullersaqarfia Nuummi inissisimavoq, Kalaallit Nunaanni, aalisarnikkullu ingerlatseqatigiiffinni privatimik pigineqartuni anginersaajulluni. Polar Seafood pingaaruteqarluinnartumik aalisakkanik qalerualinnillu pisiortorfiuvoq, nioqqutissiaatai suliffeqarfinnut tunisassiorfiusunut, amerlasuunngorlugit tunisisartunut, nerisassiornermik sullissisunut aamma nioqqutissianik ataasiakkaanik pisisartunut.