Qalerualinnik tunisassianik arlalinnik pilersuinermi Polar Seafood pilersuisutut siuttunut ilaavoq. Raajat issittup imartaaneersut saattussallu tunisassiarineqartartunut ilaapput.
Polar Seafood-ip kilisaataanit nutaaliaasunit pisarineqartarput
Qaleruallit amerlanersaat kilisaatinik nutaaliaasunik nammineq pigisatsinnik, Kalaallit Nunaata Issittullu imartaani itisuuni minguitsuni pisarineqartarput. Qaleruallit tunisassiavut Polar Seafood-ip suliffeqarfiutaani suliarineqartarput poortorneqartarlutillu. Taamaaliornikkut nerisassap assigiiaarnera, qaffasissumik pitsaassuseqarnera aammalu immamiit puuguttamut aqqutaata ilisimanissaa qulakkeerneqartarput.
Qanoq sassaalliutigineqarsinnaanerinut najoqqutassatut siunnersuutit assigiinngitsorpassuit
Qaleruallit mamartuupput assigiinngitsorpassuanngorlugillu iganeqarsinnaallutik. Qaleruallit amerlanersaat suliarerujussuanngikkaluarlugit neriumaneqartarput, immaqa citron-imik kuserialaarlugit mayonnaiselilaarlugillu. Aamma salatinut suppinut nerisassanullu allanut akugineqartarput.
