Issittup imartaasa raajartaat  (Pandalus borealis) Polar Seafoodip kilisaataataannik mutiulluinnartunik pisaapput. Issittup imartaani Arctic Ocean 300 meteriniit 500 meterimut itissusilimmut pisarineqartarput, raajammi nujuitsut nillertumeersut tamaani uumasuummata. Raajat pisarineqaannarlutillu angissusertik naapertorlugit immikkoortiterneqartarput, uutsitsivikkut qalanneqartarput imaluunniit suliarineqaratik kilisaatitsinni mutiulluinnartuni ingerlaannartumik qeritinneqartarlutik. Piffissaq sivikinnerpaaq atorlugu pisarineraniit nioqqutissiarineqarnissaanut suliarineqartarnerat patsisaalluni nioqqutissiaq qaffasinnerpaamik pitsaassuseqartarpoq. 

Siunissaq isumannaallisarlugu  

Raajarniarneq patsisaalluni Kalaallit Nunaata aningaasaqarniarneranut isertitatigut ataasiakkaatut tapitartuunnerpaasutut isigalugu anginersaajuvoq, tamannalu pissutigalugu aalisarnerup piuaannartitsinikkut qulakkeerluarnissaa annertungaatsiartumik sulissutigineqarpoq. Tamakkua anguniarlugit tunisassiortut pisortallu iliuuseqaqataalluinnarlutik akulerusimapput. Immamit nillertumiit raajanik pisiortorfittut anginerpaatut tunioraasuunerput ilutigalugu piuaannartitsinissamik atatitsinissarput akuleruffigilluinnarlugu tunniusimavugut. Kalaallit Nunaata kitaata avataani raajarniarnermi MSC-mik angusaqarluta februar 2013-mi nutarterneqartuarluni akuerisaavugut. 

Immamit nillertumeersut mamarluinnaqqissaartut  

Kalaallit Nunata raajartaat nunarsuarmi pitsaanerpaatut nalilerneqarlutillu isigineqarput. Immami nillertumi kigaatsunnguamik alliartornerat pisuulluni mamarluinnartumik, nutaarsunnillutik, nerpialu aqinnani kusanartumik issorsimalluni. Raajat pisarineqaraangamik naliginnaasumik 4-niit 6-nut ukioqartarput.