Polar Seafoodip saattuaatai (Chionoecetes opilio) Kalaallit Nunaata kitaata imartaani aamma Norgep Barentshavip imartaata pigisaani. Kalaallit Nunaanni saattussat pisarneq malillugu aalisartunit angallateerarsortunit pisarineqartarput, pisatillu Polar Seafoodip tunisassiorfiutaannut tulaanneqartarlutik. Norgemi saattussat piniarneqarnerat, immami angalatilluni aalisariutini Barentshavimi nioqqutissiarineqarlutillu qeritinneqartarput.  

Pullatit naleqqussakkat  

Saattussat pisarineqartarput saattussanut pullatini karsiusuni, karsillu taakkua ilusilersugaapput avatangiisiminnut annikinnerpaamik sunniinnissaat anguniarlugu, minnerunngitsumik immap naqqanut. Pullatit taakkua naleqqussagaasimapput qulakkeerumallugu, saattussat qimaasinnaaqqullugit, pullatit immami annaaneqariataassagaluarpata. Pullatit naleqqussakkat atornerisigut qulakkeerumallugu kissaatigaarput immatigut nerisareqatigiit illersorumallugit, taamaalillunilu saattuarniarneq kinguaariinnut tullinnguuttunut piuaannartussatut inissisimajuaannarnissaa anguniarlugu. 

Mamassuseq illinnartoq, tungusunnittoq  

Saattussat ilisarnaatigivaat nerpia isseqarluartoq, kusanartoq qaqortoq manngertoq. Nerpia illinnartumik tungusunnittumillu mamassuseqarpoq, taamaalillunilu ingasattajaartumik nuannarineqarluni nerisassani kissartuni nillertunilu. Nuannarineqalersimavoq orsukillunilu kaloriakikkami tassungalu tapitartuuttumik qaffasissumik proteineqarluni. Saattuamernit lagimut ikineqartarput angissusaallu naapertorlugit immikkoortiterneqarlutik. Saattussat naliginnaanerpaamik Nunatsinni Norgemilu 140 gram-miit 225 gram-imut angissuseqarput, naak Norgemi ilaatigut 400 gram sinnerlugit angissusillit takuneqartartut.